تعليقات ( 15 )

1. 

   31 أغسطس 2009
   12:10 ص

   temsa7 قال :

   المطوع يشبه مطوع مسيدنا القبلي

   الله يذكر هذيج الايام بالخير

   ايام العلميه والبركه
   هع

   اما بالنسبه حق السبلان
   المفروض يحطون هالمسطره مالت الملاهي اذا تجاوز طوله متر ونص يدش المسيد
   ههههههههه

2. 

   31 أغسطس 2009
   12:30 ص

   little.but.loud قال :

   اي والله صج شي يقهر الصراحه
   امس ف المسجد واحنا نصلي ماوعينا الا بغل يصارخ حتى كلامه مب كلام ياهل يقول شوف عبود مع راسهوضحك مع ربعه يعني هو صوب الريايل بس كان ينسمع من السماعه شكله واقف ف اول صف صج قليل ادب ودايما يزعجنا:@ اقول بس والله لو اعرفه اكسر راسه :@

3. 

   31 أغسطس 2009
   12:44 ص

   temsa7 قال :

   حيالله من يانا

4. 

   31 أغسطس 2009
   3:18 ص

   إبراهيم الدرويش قال :

   أحسن شي الواحد ما يروح المسيد الي في الفريج

   أنا أروح مسيد آل سعد ما شاء الله صوت حلو وبراد

   ومافي سندارة

5. 

   31 أغسطس 2009
   10:14 ص

   Noor قال :

   ايييي والله شي يقهررر
   بعضهم صغاااااار تلاقي الام ماسكته تنزله اذا اسجدت وتشيله اذا قامت
   شاللي حادج !!

   لا واذا حد كلمهم قالو ماعندنا حد يمسكهم فالبيت !!
   انزين اقعدي انتي وياه فالبيت انتي مب ملزومه تصلين في المسيد وتزعجين خلق الله
   يوتروون الواحد >_<

   :
   :

   وتسلم على هالرسمه خيوو راشد

6. 

   31 أغسطس 2009
   3:05 م

   المهندي قال :

   اسمحلي اقولك ياراشد انك غلطان الحريم من حقهم انهم يصلون ويعبدون ربهم والاعيال مسؤليتهم مب احسن من انهم يخلونهم في البيت مع الخدامات ؟ !

   واذا انت ماتبي السنداره ترى المسايد ماقلت في البلاد .. الحمدلله في كل شارع تلاقي مسيد .. وفي مسايد مافيها حريم ..

   بس انا معاك بان سوالفهم وقرقتهم اذا توصل للريايل في هاي معاك حق ..

   والله يعطيك العافيه على هاي الرسم الحلو

7. 

   31 أغسطس 2009
   4:31 م

   راشد الكواري قال :

   اشكركم على المرور كلكم ,

   وبخصوص ردك يالمهندي

   واذا في المسيد الشيخ قرايته زينه ودعائه يأثر فيك ؟ هل يحق للمرة اللي ممكن تقعد في البيت لو ولدها صغيير وايد ومايفهم وماتزعج الموجودين وتقطع خشوعهم انها تيي ؟ هل من المنطق ان الموجودين كللللللهم يغيرون المسيد علشان وحدة مستهترة براحة الاخرين وخشوعهم؟ ام هي تقعد في البيت وتربي ولدها لو خايفة عليه ؟
   اتمنى منك انك تجواب على هالتساؤل البسيط

   وحياااكم الله

8. 

   31 أغسطس 2009
   5:43 م

   Mariam قال :

   اذا هي لهدرجه خايفه على عيالها انهم يقعدون في البيت
   خلها تقعد معاهم لاتفلسف وتروح المسيد وتزعج العالم
   والوحده اذا تبي تصلي اتوقع ان رايحه تبي تخشع وماتبي ازعاج وشي يخربطها في صلاتها انزين تيبين عيالج ليش؟
   ارحمي حالج وقعديهم في البيت ولا ارحمي خلق الله اللي يصلون والزمي بيتج انتي وعيالج :\
   جني اندمجت وايد؟ خخخخخخ
   وبخصوص الرسمه ماتخيل شلون ضحكت يوم قريت “لأدعي عليك واخلي كل الفريج يأمنوا”
   هههههههههههههههههههههههههههههههههههه
   يعطيك العافيه ياراشد على هالرسمه الفظيعه (Y)

9. 

   1 سبتمبر 2009
   1:10 م

   Suliti lord قال :

   صدقت ياراشد, وبارك اللة فيك.
   انا صراحة صرت اصلي في مسيد فريجنا لأن السعادين في مسيد سلطة يابليهم كم من طراق.

10. 

    2 سبتمبر 2009
    6:10 ص

    Anonymous قال :

    صلاة المرأة في بيتها افضل لها… و صلاتها في المسجد و هي عندها ياهل يزعج الناس و يؤذيهم و يقطع خشوعهم مب آجر لها من لو قعدت و صلت في بيتها هي مرتاحه عند عيالها و لا تستاثم في المصلين و هم مرتاحين من حشرتهم..
    تخيلوا مرة وحده جايبه بنتها ام سنتين تقريبا و احنا نصلي البنت تنادي امها تبي تروح الحمام (الله يعزكم) و الام تصلي.. قامت وقفت قدام امها “ماما عاوزه اروح الحمام” و الام كملت صلاتها..
    البنت قامت تصيح و تنقز ” عاوزه الحمام.. عاوزه الحمام” و ما قدرت تمسك نفسها و **** في المصلى عالفرش..!!
    الحين وين الاجر في الموضوع؟ اجر الصلاة راح بسبة هالشي..!!

11. 

    3 سبتمبر 2009
    3:41 ص

    Soft Angel قال :

    استغفر الله !
    اصلي ف البيت ابرك لي من هـ الحنه والصراخ والصياح !
    حشى مب مسيد هاي , اذكر العام كان جي يهال يصيحون ويسندرون الواحد فـ الصلاه , الواحد يبي يصلي بخشوع , يدعي ع راحته ..مب هـ السبلان الي غاثين الواحد في صلاته :@
    يعني المره الي عندها يهال صغار اتحطهم في البيت مع الخدم ولا مع اختهم ف البيييت , مب اتحطهم ف المسيد حشى حضانه اهو :@
    صج شي يبط الجبد ><
    ههههههههه الكراكتير عجيب عجيييب ..
    يبتها صح , يعطيك العافيه ^^"
    بأنتظار جديدك

12. 

    3 سبتمبر 2009
    9:57 ص

    شيــخة قال :

    حلوة سيابييل XD

    ما جذبوا يوم قالوا جنة الاطفال بيوتهم

    مو بس الصياح

    في حريم تييب بناتها ام ٦ او ٧ سنيين

    و تقعد لك في نص الصلاة بالعكس و تتمقل فيك والا تطل بويهك وانت راكع!!

    اي خشوع اللي بتقدر توصل له!!!

    ما اقول الا الله يهدي اهاليهم… يعني الله ما بيتقبل صلاتج وانتي في البيت؟؟
    الا بالعكس خذتي اثم الناس اللي شاغبتها بنتج

    تسلم الايادي

13. 

    4 سبتمبر 2009
    1:38 م

    المهندي قال :

    والله ياخوي ياراشد الخشوع بالقلب ترى مافي مسيد تاخذ منه اجر اكثر من مسيد ثاني .. ممكن انك تشوف لك مسيد ثاني .. او ان تصبر وتحتسب و ان شاءالله مأجور .. مب انك تقول افكر ادعي عليهم و على عيالهم ..

    يمكن بعد المره مايهياه قلبها تصلي في البيت مسأله يمكن محتاجه تعدي بالسجود و ماتريحها غير صلات المسيد

    وهل من المنطق ياراشد ان كل وحده عندها عيال
    تترك صلات المسجد و الجماعه ؟

    انا اتكلم ترى من وجهت نظري يمكن يكون كلامي خطأ ولا فيه شي من الصحه

    لكن انا اصلي بمسيد فيه حريم ويايبين عيالهم
    وماسمع ازعاج و الحمدلله الصلاه طيبه .. الله ياجرنا وياجرهم خير ..

    و يعطيك العافيه على الرسمه الحلوه مره ثانيه
    ^_^

14. 

    5 سبتمبر 2009
    7:45 ص

    صَبا قال :

    الحرمه اللي عندها يهال المفروض تقعد فالبيت
    حتى لو عندها بنات اعمارهم 6 ولا 7 سنين بعد مو لازم يجون المسجد يعني الام يتجيب بناتها وتغربلهم والبنات طول الصلاه يتأففون ولا اذا الامام طول فالصلاه عادي يسوونها ويلعوزون المسجد والمصلين
    انتو عالاقل يوصل لكم الصوت والازعاج بس , اما احنا نخاف نركع ولا نسجد على ياهل ويموت
    انا قمت ماروح المسجد واصلي فالبيت بسبب الاطفال والازعاج

15. 

    7 سبتمبر 2009
    6:10 ص

    Anonymous قال :

    اخوي المهندي انا فاهمة وجهة نظرك.. لكن ما اوافقك..
    اكيد كل القلوب تشفي على صلاة الجماعه لكن اذا هي صلت في البيت ما ينقص من اجر صلاتها شي.. اما اذا بتصلي في المسجد عشان اجر الجماعه هالاجر ممكن تخسره من الاذى اللي سببته للمصلين من ازعاج و مضايقات من عيالها..
    و بعدين ما تقدر تقول الحل انك تطلع من المسجد لان هاذي مشكلة مب بس يعاني منها شخص واحد و تنحل لي غير المسجد.. هالمشكلة يعاني منها تقريبا كل الحريم في اغلب المصليات..
    و تكلموا فيها الناس اكثر من مرة هاذي مب اول مرة تنطرح..
    “هل من المنطق ياراشد ان كل وحده عندها عيال
    تترك صلات المسجد و الجماعه ؟ ”
    كل وحده عندها عيال صغار ما يحترمون الصلاة و لا المسجد و ما عندها احد يمسكهم فالاحسن تقعد في البيت معاهم..
    “ماتريحها غير صلات المسيد”
    اغلب الحريم ما يصلون بالمسجد الا في رمضان.. فيعني متعوده على صلاة البيت..