تعليقات ( 9 )

1. 

   24 أكتوبر 2009
   4:47 م

   temsa7 قال :

   لووول على طاري سالفه امس

   الثانين اللي ما سلمنا عليهم
   ما عندهم شهاده تقريبا ومتخرجين بالدز وعندهم احسن
   المناصب في المراكز الحساسه في البلد
   شلووووووووووووون ماتدري

2. 

   24 أكتوبر 2009
   7:02 م

   Mariam قال :

   صج شي يقهر
   المشكله مب بس الوظايف حتى الجامعات
   الواحد يبي يدرس ويشتغل ومصعبين علينا الامور
   الحين عيال البلد كلهم صاروا يروحون يدرسون برع
   يعني مصعبين الامور حق الدراسه وعقب الشغل
   ادري طلعت برع الموضوع لول بس لان اقول ان مب يذلون اللي يدرس وقت دراسته وحتى لين تخرج
   اما الاجانب ياخذون كل شي بارده مبرده واحنا مساكين نتلته
   الله يوفقه مسكين وانشالله الله بيسر اموره
   وبعد كاركتيراتك وحشتنا ياراشد :q ولكم باك هههه
   وانشالله كانت اجازه حلوه
   وحمستني ابي اروح دبي ايه عليها هي حتى بدون الميترو تونس
   يعطيك الف عافيه (Y)

3. 

   24 أكتوبر 2009
   8:35 م

   MeeeM قال :

   to get a job in Qatar u should have/be

   *Blonde
   *Blue eyes
   *any color passport except maroon

   and the rest doesn’t matter

   but you know what, sometimes i think Qatari people doesn’t deserve to get a job!! i don’t think that they r qualified enough.. ’cause at the end it’s not all about getting a high GPA .. in U.S some companies would choose a guy who studied 4 semesters (4 different majors)
   which means that they don’t have bachelors but they have “experience” & “main knowledge” about many things, rather than straight A+’s student with one major.

   mainly the whole thing is about experience, which obviously Qatari people don’t have. anyway they deserve a chance, but i think no want’s to risk it & employ them!!. it’s realy complicated !!! =S

   Mariam, we reached a level ma y3lam beh i2la Rabna, beleive it or not, 3ndna “3n9oriyah” bl university!!! 3n9oriyah ’9dech in ur own country!!! what’s worse??!

4. 

   24 أكتوبر 2009
   9:46 م

   shOsho قال :

   وعليييييييه مساكين شباب قطر

   صايره الواسه احسن من الشهاااده

5. 

   24 أكتوبر 2009
   9:47 م

   shOsho قال :

   ** الواصطه

6. 

   25 أكتوبر 2009
   7:55 م

   tatooma قال :

   الموضوع عالجرح والله
   اكثر من وحده من ربعي
   كله يقولون اخوي متخرج ومو لاقي شغل
   وكل واحد متخرج من جامعه احسن من الثانيه
   وناس توهم مخلصين ثنويه او حتى درسو ربع كورس
   وحصلو شغل كللله واسطات
   والاجانب بعد شب ثاني لهم الاولويه في كل شي
   حتى جامعات المدينه التعليميه
   اللي المفروض الاولويه تكون لنا
   لكن شنقول … الله كريم
   :
   والسموحه عالاطاله
   وابدعت يا راشد في الاختيار
   والرسم
   =)

7. 

   25 أكتوبر 2009
   8:55 م

   ولد قطرية قال :

   والله يا راشد جبتها عالجرح، مهب بس القطرين، عالاقل القطري يتعب شوي ولا يتم سنه بدون شغل، بس لين اشتغل يحصل درجة زينه، وراتب زين، لكن الناس اللي عاشوا سنين هني وماعندهم جنسية، وعيالهم مولودين هني وامهاتهم قطريات، والعيال ادرسوا كل المراحلة في قطر وتخرجوا من جامعة قطر، مالهم اي قيمه، لا يعاملونهم مثل الاجانب، ولا يعاملونهم مثل القطرين، حاطينهم في تصنيف جديد، بين هذا وذاك، لا واللي يقهر لين حصلوا وظيفة يكرفونهم كرف الحمير، و رواتبهم تتراوح بين 3500 إلى 9000 ريال، لا ومقطوع، يعني مضروب من كل الجهات، المشكلة لو انهم يعرفون البلد اللي عندهم جوازه بنقول خل ينجلعون ديرتهم، لكن اللي ما طلع من قطر كلش شيسوي؟ وين يروح؟ اشلون يعيش؟

   هذي الفئة اللي انا منها محد يذكرنا ولا حد يجيب طارينا، هذا انا تخرجت من الجامعة بمعدل جيد مرتفع ولاني محصل شغل، واذا حصلت يبوني اتوظف بالثانوية، يعني هالاربع سنين ضاعت من عمري بلوشي، الله كريم

8. 

   25 أكتوبر 2009
   9:45 م

   Noor قال :

   الحمدالله على السلامه راشد

   ؛؛

   ياكثرررر ماتكلموو الناس عن هالتفررقه
   بس لاحياة لمن تنااادي

   الاجنبي يطييرووون فيه
   تقول ياي من عالم ثاني
   لدرجه ان الاجنبي قام يشووف نفسه ع القطررري

   على بالهم ياي يبي ينفع بلادهم
   هو ياي ياكل خير هالبلاااااد !!

   ماعتقد ان حد بيخاف على مصلحه قطر كثرر القطررييين
   هم عيال هالبلااااد
   مفرووض يوفرون لهم كل شي .. دراسه تدريب تطوييير

   شي يقهر والله..
   وسالفه التقطير اللي مانسمع عنها الا في الجرايد!!
   مفروض ان تكون فيه لجنه رقابه لهالشي
   خاصه ع الشركات
   لانها مستويه شركات اجنبيه من كثر الاجانب مب قطريه

   قسمي فيه ٣٣ موظف تقريبا
   القطريين منهم ٨ !!!!
   والقطري يشتغل اول سنتين متدرب او اكثر من سنتين
   والاجنبي من اول مايشتغل مثبت مافي عندهم اسمه متدرب !!
   يعني جد تفرقه تقهررر
   ؛؛

   الله يعيييين والسموحه ع الاطاله

9. 

   27 مايو 2010
   3:27 م

   nanaseabood قال :

   ذي المشكلة مو بس في قطر الا بالعالم كله
   الواحد يتخرج من الجامعة وعقب كم سنة حتى يحصل وظيفه ومو بشرط انها تكون زينه اي وظيفه ماكو ماعاد صار في وظائف .
   الله يعيييييييييين وييسر للجميع