تعليقات ( 16 )

1. 

   12 نوفمبر 2009
   7:13 م

   N_Alkuwari قال :

   ههههههههههه ~
   والله حرام لين متى بيتم الشباب القطري يطالب بوظايف و تروح لغيره
   والله اني اعرف شخص بمنصب و معاه اجنبي بنفس المنصب
   تصدقون ان معاش الاجنبي اكثر من القطري !! << يعني من يستحق اكثر ولد البلد و لا الغريب
   مع ان الاجنبي مو شرط يكون شاطر او شي بس لان اسمه اجنبي … :/

   تسلم راشد على الرسمه
   و ان شاء الله تشوفها الشركات و تعرف راي الشباب القطري بالموضوع !
   و احنا لازم نوقفهم عند حدودهم و نطالب بحقوقنا .. ~

2. 

   12 نوفمبر 2009
   7:16 م

   راشد الكواري قال :

   للأسف , اللي سمح لهالاجانب بأنهم يستبدون قطريين , والموظف اللي صار مدير فهالرسمة مثال طبيعي لأغلب المسؤولين في الشركات إلا فيما ندر منهم ..
   للأسف القطري صار مايحب يشوف الخير في يد اخوه وولد بلاده .. شي يدمي القلب

3. 

   12 نوفمبر 2009
   7:16 م

   Mariam قال :

   مريم آل سعد وايد عبرت عن اهل قطر
   والمقال اكثر من روعه
   والله ياراشد الحال من بعضه والكل متلته
   مانقول غير حسبي الله ونعم الوكيل ..
   الله يوفق الجميع ..

4. 

   12 نوفمبر 2009
   7:21 م

   فطيـــم قال :

   أولا: مثل ماقلت ” مريم ال سعد” كفت ووفت وعبرت عن اللي ماقدر غيرها يعبر عنه بكل نقطه قالتها ريحت شخص ..
   صاني شي يعطيك العافيه .. هذا اللي صاير.. ماادري اضحك من الحره والا اعلق.. ؟

   وجواب السؤال الأول: الجواب (ج) جبته على الوتر الحساس بصرااحه.. ابدعت بالاختيارات هههههه

   جواب السؤال الثاني: ” باب السما اقرب له ” صحيح .. الاغلب ماقول الكل بس اقول الغاااالب صحيح وبشده..

   بتغاضى عن الاجابه الواقعيه للسؤال اللي بعده .. وننتقل للسؤال قبل الاخير.. مع العفش .. فالدبه .. على حمار عري.. باللنج ههههههههه .. اقرب من اجابة الشحن << مكان راقي مع الشنط..

   اما عاد عن جواب السؤال الاخير .. بود مشكلهي .. لازم اول شي " الارباب "..

   اخر شي.. اذا هذا نجح بالامتحان وبجداره وتصدر قائمة العشر الاوائل فالاختبار..! عيل كلهم بيعطون مقال " مريم ال سعد" { الاذن الصمخه }..
   من بيسمع مقال هالناس الراقيه .. اذا اللي فوق هالمدرا هم اللي عقلياتهم متحجره؟ يعني الحين على هالمقال بيحسوون ؟ هههه ابئى قابلني

   عساك عالقوه ..

5. 

   12 نوفمبر 2009
   7:29 م

   فطيـــم قال :

   صاني شي عاد << ههههه من الحره والله ماادري شخربط

6. 

   12 نوفمبر 2009
   9:42 م

   M قال :

   مايصير يعصون عمامهم عشان الموظف القطري
   الامريكان أولى
   لحد يزعلهم بس ;p

   ماقدر اقول غير حسبي الله ونعم الوكيل

   يعطيك العافيه

7. 

   12 نوفمبر 2009
   10:31 م

   Noor قال :

   مريم آل سعد دايما مقالاتها قمه
   وتتكلم عن اشياء صج محتاجين حد يتطرق لها
   واسلوبها لايعلى عليه ماشالله عليها
   //
   وهالمقال مثل ماقلت ع العووق
   ناس وايد بيقولون لك ان هالكلام صحيح
   بس ماحد بيقوله من قلبه كثرنااا احنا “موظفين القطاع الخاص”
   اول ماتتوظف
   يصفون لك كلاااام .. حقوق القطري وتطوير القطريين والتقطير والمادري شنو…
   عقب تنصدم بالواقع
   الاجنبي اعلى منك حتى لو نفس شهادتك !!
   الاجنبي مثبت واحنا سنتين ولا اكثر “على حسب مزاج المسؤول” تحت التدريب !!
   الاجنبي كل تكاليف حياته في الدوحه على حساب الشغل
   بيته .. مدارس عياله .. سيارته .. تذاكره !!
   الاجنبي تطلع دورته برى الدوحه بسهوله واحنا عقب طلعة روح !!
   \\
   وفي مسؤولين ماقولك الكل “البعــــض”
   عندهم ان هالشقررر والحمرر عقولهم فلته
   وان القطري لايعتمد عليه !
   اوكي عطو القطري فرصه وشوفو
   والله في قطريين مظلوومين وايــــد
   ماياتهم الفرصه عشان يقدرون يبرزون نفسهم
   والسبه الاجانب
   يشتغلون وعندهم حماس انهم يبدعون ويعطون ويفيدون بلادهم
   لكن كل شي يختفي اذا شاف اللي يصير حوله
   \\
   والله هالاجنبي مايخاف على قطــر كثر ولد البـــلاد
   هالاجنبي ياي ياكل خير بلادنا
   اما احنا يايين نفيد بلادنا
   \\
   موضوع جد يعور القلب يامريم و يا راشد
   يعطيكم العافيه
   وان شالله نشوف هالمشكله مختفيه قريب
   والسموحه ع الاطاله

8. 

   13 نوفمبر 2009
   1:19 ص

   Noor .M قال :

   السلام عليكم وبرحمه الله وبركاته
   طبعا موضوع حساس جدا …وأظن كل مواطن غيور يوافق عليه
   يعني صرنا لعبه والا جانب يمشونا !
   لين متى أنا مادري طبعا
   هذي طبعا غير فيتامين واو اللي مب مفتكين منه
   يعني لا لاقينها من الاجانب ولا لاقينها من الواسطه
   انا طالبه خريجه ومعدلي جدا عالي لكن ظليت فتره طويله بدون توظيف
   مع ان الكل ينادي بالتقطير ثم التقطير
   لكن الاولويه للاجانب…واحيانا يكونون من خيرة “العكس طبعا <<اتطنز" طاقات البلدان الأجنبيه
   ياخذون الفلوس ويدمرون الادارات ويحطون بروتوكولات تضر أكثر من أنها تفيد !!!
   يضعون بروتوكلات تم تطبيقها في بلدانهم
   احنا بلد يحتاج لطاقات مواطنيه..لقلب مواطنيه…لمسؤوليه مواطنيه
   ومحد بيشل البلد ولا بيكبرها ويوسعها بأمانه ومسؤوليه غير عيال البلد
   لكن البلد للأسف ما تثق بطاقات مواطنيه !

   و

9. 

   13 نوفمبر 2009
   10:46 ص

   عصامي قال :

   كثيرين التشكي، قليلين الإنجاز.

   اللي ماعنده همه وحياته ضايعه أسهل عليه أن يلوم غيره.

   ماعترض على الكاريكاتير بصورة خاصة، لكن تكرار نفس الموضوع صار ممل لول.

   يعطيكم العافية شباب، بس التغيير زين عن كاريكاتيرات التحيز للأجنبي أو الشذوذ اللي زهقنا منها.

10. 

    13 نوفمبر 2009
    12:42 م

    راشد الكواري قال :

    همممم , الانجاز هو ان سوينا منبر نقدر نعبر فيه عن ” هموم القطريين” , و اللي نتكلم عنه واقع حاصل وموجود . وبشكل خاص نعبر عن هموم الشباب لأن نادر ماتحصل حد يعبر عنهم واحنا شباب فالهم حاضر في حياتنا وأمامنا ونحس فيه ..
    الانجاز اخوي , اني اخذ من وقتي وارسم هموم غيري ومشاكل غيري و بدال ما اطلع او اقعد مع هلي اقعد مشاهد هالجهاز ..
    الانجاز , اخوي الكريم ان بدينا خطوة لمشروع كبير وطريج طويل ..
    بس اللي مايعجبني في بعض الناس هو الانتقاد لمجرد الانتقاد وتكسير المجاديف بدال مايكتبون ردود على الاقل نقدر نستفيد منها , لو كانت هالناس تكتب افكار نقدر نستفيد منها بدال التطنز ..

    وماتقدر تتهم الناس بقلة الإنجاز لما مايحصلون فرصتهم , ترى هاي توجه معظم المؤسسات والوزارات والشركات لتفضيل الأجنبي وماتقدر تنكر هالشي أبداًً .. اطلع من بيتكم وتلتفت وشوف وين تقدير هل قطر ؟ وين الاعتراف بلغتهم وارثهم وثقافتهم .. كل الاماكن صارت تتكلم بلغة غريبة عن لسان البلد و مناظر غريبة ماكنا نشوفها ..

    الموقع يا اخي الكريم يعرض المشاكل للناس وهالناس يمكن يكونون مسؤولين او قياديين هم بيدهم الحل والربط مب احنا .. احنا اللي علينا ان نتكلم وننشر , لعلمك هالرسمة والكثير من امثالها ماتننشر في الجريدة لان حتى اللحين ماعندنا حرية إعلام حقيقية بالنسبة للاعلام المحلي ..
    واما المواضيع اللي تقول انك زهقت منها موجودة وحاضرة بقوة وكل مرة نعرض الموضوع بزاوية مختلفة ونظرة مختلفة ,,,

    اذا عندك مواضيع وافكار مختلفة نتمنى انك تزودنا فيها , لان اللي تسويه بعد يعتبر تشكي بدون وضع حلول او افكار ..

    

11. 

    13 نوفمبر 2009
    1:52 م

    Noor قال :

    ” كثيرين التشكي، قليلين الإنجاز”
    رسمهم..انجاز
    موقعم .. انجاز
    رسوماتهم اللي تنشر في الجرايد.. انجاز
    قاعدين يعبرون عن مشاكل صايره حولهم وفي بلادهم او مشاكل صايره لجيلهم بطريقه هم مبدعين فيها
    وقدروا بفضل جهودهم انهم ينشرون هالاعمال في اماكن مختلفه
    ويمكن في يوم رسمه تحرك حد وتخليه يقدر يحل هالمشكله اللي تكلمو عنها وبيكون انجاز اكبر واكبر
    (( اذا انت ماتشوف هالاشياء انجاز .. كيفك كل واحد ووجهة نظره .. يمكن لانه ماتطرق لشي يعني لك .. لكن احنا كقطريـــن هالشي يهمنا ))

    “اللي ماعنده همه وحياته ضايعه أسهل عليه أن يلوم غيره”
    اذا حياتنا ضايعه ٩٠٪ بتكون بسبب هالمشاكل اللي تكلمو عنها

    “ماعترض على الكاريكاتير بصورة خاصة، لكن تكرار نفس الموضوع صار ممل لول”
    مانشوفه ممل
    لان لين الحين عندنا اشياء وايد نبي نقولها
    ولين الحين نعاني من هالمشكله
    ولين الحين هالمشكله تكبر اكثر واكثر
    واذا تشوفه ممل لاترد !!
    او رد باسلوب افضل ..

    “يعطيكم العافية شباب، بس التغيير زين عن كاريكاتيرات التحيز للأجنبي أو الشذوذ اللي زهقنا منها”
    مجرد فضول اخوي .. انت قطري ؟

    \\
    \\
    السموحه منك اخوي راشد
    بس يوم شفت الرد حبيت ارد عليه

12. 

    13 نوفمبر 2009
    3:23 م

    فطيـــم قال :

    مع ان نور و راشد كفوا ووفوا .. (بس)

    قطري والا مب قطري .. بيّن لي ولغيري ان تفكيره ( يالله نفسي ) انا عايش مرتاح ماعلي من غيري مالي خص باللي حولي .. مالي خص بديرتي .. اهم شي انا عايش وهلي كلهم ماخذين ومحصلين اللي يبونه..

    فهالدنيا الواحد .. يا ( يقول خير ) او ( ليصمت ) .. مااقولها تهجما عليك .. بس اقولها انك ماحطيت نفسك مكان غيرك فلاتنتقد شي انت مب عايشه ولا تبي تفكر باللي يعيشونه ..
    ان ماكنت اعرف عن اللي صاير حولي ( اسكت ولا اني انتقد شي مااعرف الا الناس المستفيده من الموضوع اللي هم (اهلي ))
    وان كنت حاس وعارف بس مااقدر اعبر .. يكفي تعبير الباقي..

    اما مثل ماقال راشد .. اكسر مياديف الناس.. الناس يقومون ويبنون ويسوون وغيرهم يجي يكسر فيهم ويهدم انجازاتهم اللي فوضعك مايعتبرونها انجازات لانهم مايعرفون كيف يقدرون .. مايقدرون الا الشي اللي هم يسوونه..! فهذي مشكله (لك)بينك وبين نفسك تتصرف وتحلها مب (لنا)

    مشاكل غيرنا في ديرتنا هي مشكلتنا وهمهم هو همنا .. اللي يعور قلوبهم ويجرحهم ويتعبهم من اللي يشوفونه حولهم .. يتعبنا..

    ان اعرضوا هالمشكله مره ومرتين والف .. مابيوقفون وبيكملون لين مااحد يسمعهم وبيسمعونهم .. بس يبي له عزيمه واصرار و احد يوقف معاهم ويدعمهم .. مايبيله تخاذل و(ملينا) و (زهقنا) واحباط من ناس مايهمها اللي هم يسوونه..

    كملوا عاللي انتوا فيه وناس تجر للاحباط لفوا وجوهكم عنهم وشوفوا كم من الناس واقفين معاكم .. وكم “نص” واحد ضدكم او زهق من انجازاتكم .. قواكم الله ..

13. 

    13 نوفمبر 2009
    8:03 م

    AL-Kuwari-599 قال :

    والله حاله مع الأجانب ههههههههـ متى بنتفكه منهم ههههههـ

14. 

    15 نوفمبر 2009
    5:08 ص

    sulitilord قال :

    اخونا راشد اسس هل الموقع عشان يكون منبر للشباب للتعبير, و النقاش عن القهر اللي نعيشة في بلدنا.
    اذا احنا اهل البلد مانقشنا مشاكلن, و بحثن عن حلول لة, من بسوية عيل؟
    يكفي ان الاجانب ماكلين الخضر و اليابس, و يكفي ان XXXX في المناصب يعبدون الارض اليي ماشين فيها, بس انهم شقر, و عيونهم زرقة.

15. 

    15 نوفمبر 2009
    5:30 م

    temsa7 قال :

    لحظه لحظه
    انا توني اشوف كومنت عصامي بسبب انشغالي الويكند اللي طاف

    اخوي عصامي … الانتقاد سهل ..واااااااااااااايد سهل
    لان بكل بساطة ارضاء جميع الاذواق غاية لا تدرك

    بس احب اذكرك ان احنا عندنا مواضيع غير هالخانتين في الأرشيف
    وفها كم لا باس فيه من التنوع

    اما الموضوعين اللي انت تمللت منهم .. ترانا للحين نقدر نتكلم عنهم اكثر واكثر واكثر … والسبب ان الناس من الثمانينات تتكلم .. وللحين ماصار شي لان اللي ما يعجبهم
    هالموضوع .. يتمللون منه ببساطة…

    ويقول المثل …جلد مهب جلدك جره على الشوك …ودانا لادانا ودان

16. 

    23 سبتمبر 2011
    7:05 م

    Jύsт sмιℓε قال :

    الله يعين اصرااحه نحن اولى‘من غيرنا اجانب لازم يشتغلون في بلادهم مب بلادنا الواحد او وحده لازم تشتغل تصرف على‘ نفسها ولا على‘ أهلها بس وربي قهر خااطري كل واحد او وحده من بلادي تشتغل بس ويني انا وين وزاره هيهيهي وبعد شسمه صدقت يااخااه بكتابة وطرح هع .. ^^