تعليقات ( 7 )

1. 

   18 نوفمبر 2009
   1:47 ص

   جبســـه قال :

   آآآآف انت شتقول والله انت بس اسمع للكبار اللي يشلونهم من وظايفهم عشان يجيون الاجانب والهنود ..
   القطري ياخذ 20,000 شهرياً خير ونعمه ..
   تعال لين شلوه وحطو لبناني او هندي .. ياخذ 30.000 او 40,000 وغير السكن والسياره و المدارس الاجنبيه ؟؟!!
   ويقولون لنا ليش العنصريه وليش الكره .. يوم نشوف هـ الظلم ونتم ساكتين شباب وشابات قطرين جامعين مايحصلون وظايف .. وهم بارده مبرده .. -_-
   المال مال ابونا والقوم حاربونا !

   آسفه ع الاطاله بس طلعت غليل قلبي :@

2. 

   18 نوفمبر 2009
   2:30 ص

   tofo قال :

   المقدمه كلها قهر .. ونواح :p
   عجبتني سوفااااااااج :p
   تمساح يايبه شبتقول انت ؟ والله العظيييييم الاولويه لهم وكل شي
   بس نبي رسبكت نبيم يحترمونهم عقلياتنا !!!!! يعني والله
   اني استحي افشلهم في اي مكان معامله اي شي الاجانب ماحب احرجهم
   لكن في شي برد قلبي .. قانون التاكسز الجديد الضرايب اللي عليهم
   احسن خل يدفعونت عنتالله عليهم على قولتك
   وريح بالك ولاتحرق قلبك .. سوففففااااااااج

3. 

   18 نوفمبر 2009
   6:35 ص

   فطيـــم قال :

   فوق ما الدوله تكرمهم يزيدون حقد وتزيد اللي فقلوبهم علينا..
   حتى الدريول الهندي يقول ارباب انت مافي مشكله فلوس واجد.. راعي الدكان يقول ادفع لاتكاسر ليش انت بخيل وفلوسك واجد.. حسبي الله على هالقلوب السودا

   يعطيك العافيه تمساح عالكاركتير.. جبتها عالعوق والله

   عساك عالقوه

4. 

   18 نوفمبر 2009
   8:40 ص

   راشد الكواري قال :

   الموضوع مهما تكلمنا عنه ومهما جبناه من زوايا مختلفة , بس للأسف مانقدر نغطي كل جوانبه لأنه ينقسم لأقسام متعددة وكثيرة..

   مثلاً نظرة الاجانب لهل البلاد اللي عزوهم واكرموهم ويابوهم ورزوهم , نظرة الأجنبي لهالبلد في قرارة نفسهم , لو الناس اللي تقول ان هالشي مب موجود واحنا عنصريين اتمنى بس انهم بس يسون بحث بسيط في المنتديات الاجنبية اللي اصلها من هالمنطقة بس معظم أعضائها أجانب , شوفوا الكومنتات في اليوتيوب اللي على الخليجيين لو كان في شبه غلط مثلاً او مافي غلط بعض الاحيان, شوفوا انواع السب والتنكيل والتشفي , مادري اذا تخبرون ايام الاعصار اللي ضرب سواحل الخليج و تأذت عمان منه وايد , شوفوا ردود فعل العرب قبل الأجانب , بس بعد ماننكر ان الأجانب مب كلهم سيئيين ومب كلهم مايحترمونا , في الكثير منهم بالعكس فيهم خير اكثر من بعض هل قطر للأسف وهالشي شفته بعيني بعد , بعض الاحيان احتار هل افرح أو أحزن ..

   وفي نقطة ثانية هي القطريين اللي يرزون هالاجانب ومايثقون ومايترسون عينهم الا هم ويدورون اقلل عيب على القطري علشان يلزقون فيه كل العيوب ويخلونه شماعة الفشل للأسف هم قطريين وقححح بعد …

   الموضوع متشعب ومتشربك وايد ومهما نتعرض له ممكن نجيبه بزوايا مختلفة وبأساليب مختلفة واللي يتابع الموقع بيعرف ان في فرق بين كل رسمة واللي قبلها ومافي تشابه بينهم الا في الاساس , التكرار هو لما ترسم عن نفس النظرة والزاوية والموضوع واحنا نتجنب هالموضوع في موقعنا ..

   ممكن تخلي واحد يكتب عشرين مقال عن التدخين مثلاً ويستطيع انه يجذب كل الناس للموضوع في كل مرة ينزل فيها جزء جديد منه , فالموضوع كله يعتمد على أسلوب الطرح ..

   يعطيك العافية بو التماسيح

5. 

   18 نوفمبر 2009
   8:14 م

   Mariam قال :

   اففف والله هالاجانب كلونا اكل
   وعلى كثر مانتكلم ونشكتي مافي فايده هم صاروا الشيوخ فالبلد المناصب والرواتب الزينه صارت لهم وعيال البلد متلتهين والله حتى اللي عنده شهاده ينقعونه ومايعطونه الوظيفه الا عقب طلعة الروح ،، اما ال@#$٪ الاجانب ياخذونها بارده مبرده !! انا ابي اعرف شفيهم زود عشان جي يسوون لهم؟!!!! صج شي يرفع الضغط ويقهر ،، حتى فالمجمعات صرنا نشوف اشياء والله نستحي نقولها ! يسوونها هالمنحطين ومحد تكلم ولا حد سوى شي ،، مانقول غير حسبي الله ونعم الوكيل -ـ-
   سوري عبرت وايد بس الموضوع وايد يقهر ><
   احلى شي فالكاركتير سوفاج لوووول :q عساك عالقوه ياتمسااح ;q

6. 

   18 نوفمبر 2009
   9:32 م

   Noor قال :

   والله هالموضوع يحررر
   ومهما تكلمنا فيه ماراح يبرد خاطرررنا
   من عيونهم فلوسنا صارت مافيها بركه كلش
   ماعاد نحس فيهاااا
   كل كلمه والثانيه يقولون انت قطررري
   ماكلينا وماكلين خير بلادنا وعادهم يقولون انتوا قطريين فلوسكم وايد
   ماقول غير حسبنا الله ونعم الوكيييييل
   \\
   ويعطيك العافيه تمساااح

7. 

   24 مارس 2010
   9:53 م

   البلوشي1982 قال :

   تمســـاح تعبيـــرك عن الحياة الواقعية يمس القلب ..وتعرف تسلط الضوء على اي ظاهرة ..وانا وكل شعب الامارات نشكرك على هالمجهود في التعبيــر .. أخاف يكسرون اصابعك بيوم من الايام بسبة هاالجرأة

   الله يحفظـــك لنا