تعليقات ( 7 )

1. 

   23 ديسمبر 2009
   4:15 م

   Noor قال :

   انا مانسيته :p
   اتذكر يوم نزلته في الفلكر
   لانه فكرته عجبتني
   وهالموضوع ناس وايد ناسيينه
   وايد شباب انظلموو
   امهاتهم قطريااات
   وانولدوو وتربو في هالارض
   واذا راحو يقدمون على شغل قالو التقطير !!
   ماشوف التقطير تطبق على الشقررر اللي عيونهم ملووونه
   هذولا احق منهم
   يعتبروون عيال البلد
   \\
   وصج صج عور قلبي اللي في الرسمه
   يعطيك العافيه تمساح

2. 

   23 ديسمبر 2009
   4:52 م

   Mariam قال :

   الوظايف مب حق اهل البلد الوظايف حق الاجانب
   ولا اهل البلد شلهم؟ حقنا مأكول وعليه علينا
   وحتى اللي امهاتهم قطريات مساكين مظلومين وايد مب شوي
   حسبي الله ونعم الوكيل عليهم ..
   وبخصوص الكاركتير انا اول مره اشوفه @@
   لكن الكلام يعور القلب !
   يعطيك الف عافيه على هالكاركتير الاكثر من روعه (Y)

3. 

   23 ديسمبر 2009
   5:36 م

   راشد الكواري قال :

   من كم يوم كنت أسمع وطني الحبيب صباح الخير , واتصلت عييز مسكينة عمرها ٧٠ سنة تخيل ٧٠ سنة وولدها عمره ٥٠ سنة وماطلع من قطر كلش !! وللحين مناحسين ومايبون يعطونه الجنسية هالناس بنظري أولى من هالطقاقات والمطربات والرقاصات ولعيبة الكورة اللي يلحقون البيزة وين مايات !! اليوم قطريين بكرة عادي عندهم يكونون إسرائليين !!

   عيال البلد هم اللي عاشوا فيه وماعرفوا غيره عيال البلد هم اللي كلوا وشربوا معانا واحتكوا معانا , عيال البلد هم اللي يمارسون عاداتنا وتقاليدنا ويحترمونها , عيال البلد هم اللي مستعدين انهم يضحون بأرواحهم لو صار شي لشبر من ترابنا الغالي .. هذيلا عيال البلد اما المرتزقة اللي اييبونهم لنا وفي ليلة وضحاها يصيرون قطريين لأن فلان راضي عليهم ولا استطرب على صوتهم او عجبه لعبهم هذيلا مب قطريين ولا يمثلونا هذيلا مرتزقة مثل ماجوا بالفلوس بيروحون بالفلوس …

   للأسف الجواز القطري صار شي رخيص ياخذونه اللي مايستاهلونه …..

   اتمنى يارب من كل قلبي ان المسؤولين يفكرون وينظرون لهالناس المساكين ويقدرون وضعهم لو بغوا راحوا كندا مثلاً وفي ظرف سنتين خذوا الجواز وجو شيوخ هني ومعاشهم اكثر من اي قطري بس اصروا وتموا لو يبون جان راحوا امريكا وتزوجوا امريكية وخذوا القرين كارد وعقب فترة بياخذون الجواز وبييون هني شيوووخ لهم بيت وسيارة وتذاكر وحتى عيالهم وعيال عيالهم بيدرسون على حسابنا احنا احساب هل قطر !!!
   نتمنى نشوف هالكرم الطائي ينزل على ناس تتستحقه وبتخدم البلد بأرواحها !!

4. 

   23 ديسمبر 2009
   6:49 م

   sulitilord قال :

   اتذكر هل الرسمة, و الموضع يكسر الخاطر:(
   شلون يعطون الاجانب الجواز, و يتركون ولد البلد؟
   القطري ولا الجنبي الي بياخذ البيزات و يروح بلا رجعة؟

5. 

   24 ديسمبر 2009
   3:41 ص

   AbMQtR قال :

   اتذكر يوم اني ماشفت هالموضوع قبل
   بس ترتيب يابوسعود كثر منهم

6. 

   24 ديسمبر 2009
   4:51 م

   W7 قال :

   السلام عليكم و رحمه الله وبركاته

   مرحبتين اخوي

   ما شاءالله عليك الكركتير حلو .. و الفكره الي فيع اعجبتني

   و بخصوص الي في الرسمه انا مريت فيه و عشته بالواقع
   و حسيت فيه و مريت فيه .. و بعدني للحين ما طلعت منه

   مادري هذا شي مواقع علينا ولا مفروض علينا
   يعني الشي لو تبي تناله بصعوبه ماتقدر فيه
   الحين الحط وايد لاعب دور في مصير الواحد و الواسطه

   تسلم ع الموضوع

   و تحياتي
   W7

7. 

   30 ديسمبر 2009
   12:28 ص

   رجل المقهى قال :

   عجبني الموقع
   كنت ادور على مقاله تخص العمل والتوظيف فطحت فجأة على موقعكم الجميل بأسلوبه ورسوماته

   تحياتي لكم يعيال قطر