تعليقات ( 14 )

1. 

   30 ديسمبر 2009
   11:11 ص

   Ba7r قال :

   الحمد لله ياخوك انا من عشاق الآي فون ).. وماعجبني البلاك بيري مميزاته مب حلوه او مناسبه لي .. ومثل ماقلت تبي تقارنه مع نوكيا .. اشوف نوكيا ارحم منه ..

   على كل حال الايوفون مع عيوبه البسيطه اعتبره احسن جهاز في الوقت الحاضر ألعاب برامج وايد .. كركاكاته موجوده ومتوفره ههه

   ربعنا مع الخيل ياشقرا .. واحد يمدحه وهعقب الكل يشتريه ولا يعرف مميزاته .. بس عشان واحد يمدحه أو لأنه أوباما عنده بلاك بري..
   واحنا العرب معروفين نستخدمه استخدام خاطأ للمغازل او للهذره..

   يعطيك الافيه اخوي )

2. 

   30 ديسمبر 2009
   4:13 م

   temsa7 قال :

   لووووووووووووووووووووول حلوه حلوه حلوه حلوه
   اللي انا مستغرب منه انه الناس للحين ما ملت من البلاك بري
   مع انه ما يتطور كثر باقي التلفونات … ماتدري ليش الناس مستخفة على الجات اللي فيه
   صج صج مسوي لي علامة استعجاب انتشار هالجهاز في الخليج بالذات … لا الناس عامة الناس مثلا مهتمة بسالفة الايميلات ذاك الاهتمام (قبل لا ينتشر البلاك بري) ولا تقول ان الناس مندمجين في سوالف الجات بهالغزارة

   لاكن سبحان الله … الله رازقهم ورازق كيوتل معاهم

   من كثر انتشار السالفه صرت افكر اني افتح الخدمه
   بس انطر فودا فون طبعا خخخ

3. 

   30 ديسمبر 2009
   6:08 م

   راشد الكواري قال :

   همممم صراحة انا كنت من ألد أعداء البلاك بري ليين ماجربته بالنسبة للناس اللي يتمللون حتى الثمالة في دواماتهم وماينعطون شغل مثل الناس يفضل يمتلكون هالنوعية من الاجهزة اوفر لهم من المسجات لووول بس العيب الوحيد بعض الملاغة اللي يلعنون ابو السالفة بالبرودكاست مالهم والاشاعات اللي مالها داعي , و الشي الثاني اللي يعجبني فيه انه يشتغل وبس وماتفكر بالتفاصيل الثانية , اما عن استخداماته الثانية “كجوال” بكل أسف يفشل لووول لانه النظام اللي فيه اغبى من اغبى جوال استخدمته من قبل وافضل عليه الاي فون فكل شي ثاني ..
   بس بالنسبة لي انا شخص احب اكون متصل بالانترنت و الايميلات ٢٤ ساعة \ سبع ايام فالاسبوع .. يمكن تيني حالات اني اسوي تويت حق كل شي اسويه و اصور كل شي اسويه لووول بس اكتشفت ان السالفة تسوى ماتدري يوماً ما شبتسوي بهالصور لان لما تكون بروحك وماتقدر تروي هالصور حد او بالاحرى بتخسر بام ام اس مب مصور الا اذا شي جايد , بس دام السالفة ببلاش تقريباً فصور وماعليك وعقب فترة بتكتشف ان عندك ريسورس مب صاحي من الصور اللي ماكنت تفكر تصورها من قبل هاي احدى نعم البلاك بري لوول

   اما من ناحية ان استخدامه صحيح كان للبزسنس من وجي بس مع التطور الكل صار محتاج انه يتصل بالنت و الفيس بوك و التويتر صار شي ضروري وجيل يديد من الاتصالات عقب الاسلوب القديم الو ومع السلامة احب لما انثر اغراضي وحياتي على النت واخلي الناس تتابع شاسوي واكون في السايبر لايف مالتي ومتصل ٢٤ ساعة @@

   يعطيك العافية اخوي على هالموضوع الفظيع والطريقة اللي اخرجت الفكرة فيها اشكرك من كل قلبي

4. 

   31 ديسمبر 2009
   12:52 ص

   W7 قال :

   السلام عليكم و رحمه الله و بركاته
   صباح الخير جميعا…
   مرحبا اخوي (بحر)..
   بخصوص الي اي-فون الي اعدمه خدماته في البداية كيوتل اذبحوه..
   وكنت اقصد بنوكيا .. ان سوق البلاك بيري قايم الحين وغلب النوكيا في السوق..
   وبخصوص ان ربعنا مع الخيل يالشقرا هذا شي اكيد و ملاحظ..
   وبخصوص المغازل سبب استعماله اناا اعطية 95% + المفاشر لان الناس عندهم..
   //
   \\
   مرحبا (بالتمساح )..
   هههههههههههه ضحكتني لول …
   اي صج للحين ما ملوا و سوقه توب-توب يابحر .. اي صج منتشر بينا كخليجين بشكل
   فوق الطبيعي
   عادي تشوف بعد واحد عنده 2 ولا 3 .. بس هالشكل ..
   احم احم .. بخصوص الي يفتح الخدمه يعني عاد انك مافتحته ؟..
   بس صج مثل ماقلت الجات لاعب دور …
   //
   \\
   الله حية الاخو ( راشد )..
   بخصوص انك من اعداءه اقدر اقول اني نفسك .. بس صرت عدوه من كثره و طريقه استعمال الناس له .. مع ان ودي فيه .. بس انطر هالهجه الي صايره عليه ..
   بخصوص نظامه في هاي صدقت مو ذاك الزود و الناس هوب-هوب عليه..
   وانا بعد نفسك بهالنقطه عشان النت و الايميل انا محتاجه ..
   //
   \\
   ومشكورين جميعا على هالطرح و التعليق المنور
   وتحياتي لكم
   اخوكم
   W7

5. 

   31 ديسمبر 2009
   2:44 م

   Noor قال :

   ههههههه
   صراحه عجيب الكاركتييير
   من امس شايفه الموضوع واقول لافضيت برد ولا رديت :$
   والحين ع السريع قلت بحط رد لاني شوي وبطلع من الدوام
   وان شالله اول ماوصل البيت بعلق على سالفه ادمان البي بي :p
   //
   يعطيك العافيه

6. 

   31 ديسمبر 2009
   10:30 م

   sulitilord قال :

   انا مادري شفي الناس طايحين غرام علية؟
   انا لين استخدم SE, بعد مثل ماقال اخوناو الجهاز مخصص لرجالو و سيدات الاعمال.
   يعني ليش الشباب مهوسين علية؟

7. 

   1 يناير 2010
   2:11 ص

   Kholood قال :

   البلاك بيري تلفون حاله حال اي تلفون..
   بس الحلو ان الماسنجر اللي فيه وفر علينا الماسجات
   والا اذا يات على الاشاعات كانت هي نفسها هي هي تتطرش على الماسجات العادية
   بعني مب ان مع البلاك بيري طلعت هالسوالف

   الحلو في الماسنجر اللي فيه انه وايد مقربني مع ربعي والاهل اللي خارج البلاد لان التواصل الحين وايد اسرع وارخص من قبل عن طريج البلاك بيري

   بس انا ما احبه كتلفون والشي الوحيد اللي مخليه عندي هو الماسنجر واهلي
   والا ودي اقطه من فوق السطح
   عندي الاي فون واستعمله والصراحة وايد مستانسة عليه وحتى النت والايميل والفايس بوك يطلعون احلى في الاي فون عن البلاك بيري

   أول ما الخوات وبنات الخالة يحولون من البلاك بيري حق الاي فون على طول باقط الخايس البي بي مللني

   اما عن البرودكاست والملاغة اللي فيه
   سووا مثلي
   اي حد يسوي لي برودكاست سخيف اعطيه انذار مرة وحدة والمرة الثانية على طول احذفه

   ومن ناحية التعارف انا ما اضيف الا الاهل والصديقات
   يعني ما اعرف الصراحة شلون ممكن الواحد يستعمله حق التعارف وهالكلام
   انا استعمله للتواصل والتقارب اكثر

   ^^ والتكنولوجيا حلوة.. بس العرب يحبون يخربون كل شي

8. 

   1 يناير 2010
   11:06 ص

   W7 قال :

   مرحبا جميعا ..
   مراحب اختي ( نور ) ..
   ميرسي على الرد .. و ناطر التعليق ..
   //
   \\
   مراحب اخوي ( السليطي لورد )..
   بصراحه .. يقولون عشان التواصل .. و ارخص من المسجات .. !!
   //
   \\
   مراحب خيتو ( خلود ) ..
   اولا يا مرحبا فيج في اول رد اشوفه لج ..
   و صباح الخير ..
   انا معاج في جمله تليفون حاله حال غيره
   بس شلي ميزه على غيره , و خلى الكل ميته عليه ومهوسه عليه بطريقه غير طبيعيه؟
   لا في فرق اختي بين المسجات و البلاك بيري ..
   اشدخل ( المسجات ) في ( البلاك بيري ) .. الاثنين مو نفس الشي ..
   لو نفس الشي ما حطوا خدمه المسجات مع خدمه المسنجر الي تقولين عنها !
   يعني لو ماطلع البلاك بيري جان ماطلعت هالسوالف .. يعني مثلا الحين نوكيا 72
   صج توه جديد بس انطري عليه .. خلي الناس تاخذه .. بيقطون البلاك بيري و بيحولون عليه ..
   اذا مو الجهاز وبس المسنجر ..
   هم ال-اي-فون و نوكيا 72 فيهم مسنجر ؟ شالسبب ورى البلاك بيري ؟
   بالعكس انااول ما اشوف الناس ثاط البلاك بيري بروح اخذه ..
   ودي اجربه بأسلوب الايميلات .. العيب في الاي-فون الشاعه تعلق مع كثره الاصور الي فيه..
   والنت عقب يخرف ..
   << مسكين مايعرف البرود كاستينج ( اعرف معناها بس ما اعرفها في مفهوم البلاك بيري )
   ..
   و بخصوص اخر سطر .. اقدر اايدج فيها ..
   و شكرا على المداخله الطيبه ..
   و رأي جديد في الساحة ..

9. 

   1 يناير 2010
   2:10 م

   Kholood قال :

   أخوي
   سبب انتشار البلاك بيري انه من أوائل التلفونات اللي نزلت لها هالخدمات في بلادنا

   التلفونات لما تشتريها في البلادين الثانية تلقى هالخدمات لها مفتوحة لنا نظام البيع عندهم غير

   هناك الشركات هي اللي تبيع التلفون بالخدمات
   اما هني كنا نشتري تلفونات خطيرة لكن ما فيها خدمات مفتوحة

   واخيرا كيوتل تكرمت علينا وانتشرت اعلاناتها ان الحين بنفتح لكم خدمات البلاك بيري

   هاي السبب انه اللي منتشر الحين اكثر من غيره

   لكن الحين شكلهم بيفتحون المجال اكثر وبتكون الخدمات تقدر تلقاها على اي جهاز

   والا اذا احنا متخرعين على البلاك بيري
   جوفوا في اليوتيوب التلفونات اليابانية وبتقولون احنا عايشين في العصر الحجري

10. 

    1 يناير 2010
    3:46 م

    W7 قال :

    في نقطه ان كان في اجهزه و الخدمات مو مفتوحه ..
    في هذي صدقتي عندي اجهزه و مقطوطه بالدرج وولا استعملتهم لان
    وقت اتصل كيوتل يقولون للحين ماحطينا خدمه هالجهاز ولا ضمن الحطه الجايه ..
    حزتها جهازي تغير و تغير السنه ..
    و بخصوص جمله ( الا اذا احنا متخرعين على البلاك بيري ) .. بيبين بعد فتره جواب هالسؤال..
    و بخصوص اليابان و احنا اكيد في فرق ..
    اصلا اليابان دوله مستقله .. و تستعمل نظام غير نظام الــ GSM ..
    عشان جذي اجهزتهم غير .. اهمه الجهاز معاه رقمه بدون شرائح اتصال ..
    يعني ما يصير نقارن شيئين مو نفس الشي ..
    و لفتره وجيزه الدول ما كانت تقدر تتصل اليابان .. و السبب اختلاف النظام..
    لو بتقارنينا قارنينا في امريكا ولا الامارات بيكون في وحه تشابه ..
    بس اليابان ما اعتقد .. لان الشركه نفسها تصنع التليفون و الرقم معاه ..
    وانا بصراحه ما اتخيل كيوتل تصنع تليفونات !!
    و جمله اخيره زز احنا مو في العصر الحجري احنا في عصر ( من راقب الناس قال ابي مثلهم )
    محد صار يقول الحمدلله على الي عنده ..
    و شكرا على مداخلاتج الطيبه

11. 

    1 يناير 2010
    5:21 م

    راشد الكواري قال :

    بقول لك العيب مشترك مثلاً ابل مع حبي وغرامي فيها بس هي مقصرة ومطوفها عليها سووق يعتبر من أقوى أسواق الجواويل في المنطقة كلها نوكيا سنة ٢٠٠٦ تدري انهم زادوا ٦٠٪ في الارباح !! في الخليج و افريقيا , الشركة شغالة مع اني مب وايد صلح مع النوكيا الا مع اخر جهاز نزلوه هني n900 اشوفه غير الجوال اللي طلع نوكيا من التكرار القاتل بالنسبة لي ويخليني ابتعد عنهم , بس نرجع ونقول سياسة التسويق بالنسبة حق النوكيا في سوقنا صح ومهتمممة بشكل مب طبيعي بسوقنا عكس الشركات الثانية وهاي سبب نجاحها بسوقنا اذا ابل تبي تنجح اول شي تسويه تسوي لها وكيل رسمي عندنا محترم ويحترمنا كناس , لان الكل للاسف موزع ومب وكيل !! وفوق هاي متفقين على البوق يعني سعار الماك في قطر مثلاً الاي ماك سعره = سعره في النت x ٢ او ٣ بعض الاحيان ! اتصلت بحماية المستهكل بس مادري شكلهم مايبون يتحركون !

12. 

    1 يناير 2010
    7:40 م

    W7 قال :

    بخصوص ابل .. ابل بعد دارسه السوق .. بس مو على المستوى العالمي .. بس من صوبهم ..
    و نوكيا تعرف ان اهني احنا بنصرف وعادي .. ومثل ما قلت بس شكل الكيبورد يتغير الكل بيروح ياخذ التليفون .. و ابل مثل ما قلت لو مسويه وكيل .. و احين اعتقد فودا فون وكيل في قطر .. ادخل موقف ابل و بيقولون لك ان فودا فون اهمه الوكلاء لاجهزه الجوال ..
    و عن حقوق المستهلك .. اهيه جات بس على تليفونات ابل يا راشد ؟ على كل شي ..
    اشياء وايد سعرها عن السعر الاصلي X2 ولا X3 .. يا بلفيت العذر وقت اسالهم .. لان اجار المحل غالي و اهمه بس ياخذون 150 ريال من السعر .. !!

    و تحياتي لك اخوي
    اخوك
    W7

13. 

    2 يناير 2010
    10:27 م

    Mariam قال :

    البلاك بيري وما ادراك ما البلاك بيري :p
    صج صج ادمان وترى في ناس يتطنزون على اللي عندهم بلاك بيري لكن اذا استخدموه يصيرون اخس منا شوف انا باتكلم بالنسبه حق “الخليجيين” هم ماستخدموه الا عشان البي بي ام والفيس بوك والبعض حق تويتر ولا جان تموا عالنوكيا ، انا ماجمع لكن معظمهم وفعلا هاي ميزته لكن بنفس الوقت فيه اشياء ثانيه لكن مايستخدمونها كثر هالثلاث اشياء اللي ذكرتهم.
    ماشالله البنات والشباب ماخلوا لنا شي لول :$ قالوا كل اللي في خاطرنا :p
    الصراحه اخوي w7 افكارك دايما متميزه وتشدني وايد يعطيك الف عافيه (Y) 

14. 

    3 يناير 2010
    3:47 ص

    W7 قال :

    مراحب اختي ( مريم ) ..
    .. شكلي قاعد ادري و ادري من الردود و الي اشوفه حولي ..
    انا بصراحه ما اتطنز عليه .. مع ان ودي فيه .. بس قلت اصبر شوي ..
    بس ما اعتقد بصير هالشكل .. انا ع الجهاز هالشكل بسبب انشغالي ..
    بس اخاف استعمل الاسلوب على البلاك بيري بيقولون .. عقب عشان شي ثاني !!
    .. و يسلمو على المشاركه و ربي يعطيكم العافية ..
    //
    \\
    أخوكم
    W7