تعليقات ( 8 )

1. 

   24 يناير 2010
   6:55 م

   Mariam قال :

   من ناحية البنات ينظلمون ف وايد مساكين
   واحيانا الاهل يردون عشان المهر والمظاهر وطبعا هالشي غلط ممكن انه يزيد من نسبة العنوسه ، لكن بنفس الوقت الريال مايبيع بنته بالرخيص ، وغلط ان يحسسون البنت انها سلعه رخيصه او ان تكون غاليه وايد ، الاهل اللي جي لازم يفكرون فالبنت كأنسانه اكثر من انها “بضاعه” ..
   الله يهدي الجميع
   عجبتني الفكره وايد والكاركتير وايد روعه (Y)
   الله يعطيك العافيه

2. 

   25 يناير 2010
   7:33 م

   راشد الكواري قال :

   لوووووووووول منظر يستاهلون عليه الاوسكار

   الغيوم ماعطه جو مأساوي هههههههههه

3. 

   25 يناير 2010
   10:10 م

   Kholood قال :

   بس عندنا تناقض كبير في المجتمع

   الرياييل حق العربدة والسيارات اليديدة يطلعون فلوس من تحت الارض
   لكن لما يي الموضوع حق الزواج يقولون المهور غالية

   من اللي يقول المهور غالية؟؟
   اغلب اللي تزوجوا من اللي اعرفهم كانت مهورهم معقولة.. والا تبون تاخذون بنات الناس ببلاش؟؟

   صج اللي يكلف حفلة العرس نفسها لكن بعد وايد ناس تتنازل عن الحفلة وتسويها في حدود المعقول

   المشكلة في مجتمعنا ان أغلب البنات اشتغلوا على عمرهم واغلب الشباب نسوا عمرهم وانشغلوا في خرابيطهم

   فتلقى البنت يانها ترضى باي واحد والسلام والمهم انها تتزوج أو انها اتم تنطر ولد الحلال اللي صج ترضى فيه واللي يمكن ما يي..

4. 

   26 يناير 2010
   12:08 ص

   Noor قال :

   انا اشوف في مجتمعاتنا المهور غالبا تكون معقوله
   بس مثل ماقالت خلود
   اللي يكلف حفلة العرس
   حتى الحفله البسيطه هالايام تكلف بسبب الاسعار الطايره
   وزياده على هذا في بنات يتشرطون ويبالغون :/
   يعني الله يعين
   \\
   والرسمه خطيره كسرت خاطري صافيناز واعليا p:

5. 

   26 يناير 2010
   1:30 ص

   temsa7 قال :

   اوكي يالربع
   انا واحد احطها كاش .. ميتين الف ماعندي حق مهر !!! ولا حتى اميه ألف زائد الشبكه وتكاليف العرس
   سياره اخذها اقساط
   سفراتي كلها مااا تتعدى خمستعش الف في السنه اذا كلللللللش بطرت
   عربتدي اذا فنتكت فيها بتدق عشر تالاف في سنتين
   وباقي المعاش يروح على اكل وشرب ومخالفات ومصاريف متفرقه على البيت والقهوة

   ميتين الف وكاش موني نوط ينطح نوط ماقدر اطلعها لو فنت الارض
   على ايام ماكنت ابي اعرس كان الافرج ثمانين الف وفعلا يعني في حزتها كانت موجوده
   لانها تشمل اشيا وايد وكانو الناس يتقبلون فكرة ان عرس الريايل في البيت العود وعرس
   الحريم على القد في وقت القاعات كانت على ثلاثين الف بس
   الحين مع هالغلا اللي يزيده الزبو بعد
   اذا بقعد اكون نفسي عشان ازوج نفسي يبيلي انطر لين ما اطق الثلاث واربعين سنه عشان ادش بأرضيه جامده
   وبيت وشئة وعربيه وفلوس للولاد وبتاع
   الشباب المدلعين اللي انتو قاعدين تتكلمون عنهم تراهم فئة محدوده كلللش وفعلا الناس ما تطلب وايد في حالة وحده بس
   اذا كان المعرس من اهل العروس !!! وهنيه المعرس بالشيمه بيدفع من ورا خاطره عشان ما ينزل صورته في عين مرته

   المهم في الموضوع انه مب بس المهر وتكاليفه هي كل البهرجه الزايده اللي تطير البركه من العرس
   وان انا اتعيلث بالمهر وهالسوالف عشان اتم عزوبي للأبد انشالله لول

6. 

   26 يناير 2010
   12:13 م

   sulitilord قال :

   …..مساكين الحريم:(
   مثل ما قاللو خواتنا , اغلبية الي يشتكون من غلى المهور يخسرونها على نفسهم, و ربعهم.
   اما زوجة الحلال, فالى اجل غير مسمى….
   طبعأ, الاغلبية الصاحية (مثل اخونا تمسوح) يبون الزواج, بس يوم يتوفير المهر, ما يتوفر تكفلة الحفلة..و اسعاره مسخرة…

7. 

   26 يناير 2010
   4:04 م

   راشد الكواري قال :

   حسبة بسيطة العرس الطبيعي والمعقول يكون حول ال ٣٥٠ الف تقريباً اذا كانوا طيبين معاك هاي شامل كل شي و طبعاً هاي غير مشمول مع البيت و السيارة و اللزي منهو

8. 

   27 يناير 2010
   3:41 م

   W7 قال :

   السلام عليكم و رحمه الله و بركاته ..
   مسا الخيرات ..
   //
   طبعا الرسمه فضيعه وماعليها كلام و اعجبتني .. و الفكره و المنظر رهيييييييييييب ..
   //
   بس بما يخص الزواج و العنوسه .. اسباب المهر ما عادت اسباب بصراحه ..
   الحين اسباب وايد مغطيه على المهر .. الحين السمعه لاعبه دور و المظهر لاعب دور ..
   الواحد ما يبي وحده اذا كل شوي طالعه و تدخل و هالايام وايد نشوف بنات بالمجمعات اكثر من شباب .. و البنت ما تبي تتزوج واحد .. و تقول شكله مغازلجي وراعي استعراض وانا مابي واحد مستهتر .. في ناس مستعده تدفع دم قلبها .. بس تلقى الي يستاهل ..
   يعني المهر كلش مو ماخذ دور المضطر في موضوع العنوسه ..
   والحين فوق هذا كله بناتنا يبون يتزوجون وولا وحده فيهم تعرف شكل المطبخ ولا تعرف تكوي و بس تعرف ترادد ابي اشتغل و ليش ما اسوق ..
   ونفس الشي للشباب مستهترين و افلوسهم كلها على سفرات و مواتر ولا يعرفون المسؤوليه و يبون يتزوجون ..
   ووين الواحد يجمع بين الاثنين؟
   //
   و ردي على اختي خلود .. وقت تقولين الواحد مستعد يدفع عشان سياره!!
   اقلها الواحد يعرف وقت بيدفع للسياره وقت بيقولها يمين بتلف يمين و اذا قلت للسياره لفي يسار بتلف يسار .. بس لو تزوج و قلت حق مرتي لفي يمين .. بتسال ليش وعلى ما اوضح و اقول السبب .. حزتها بكون انا دعمت .. وانفصلنا ..
   مو المقصد من كلامي ان الزوجها مالها راي و لا تقدير ولا احترام ..
   بالعكس اهيه بتكون شريكه العمر .. وانتي قلتياه قبل في احد مواضيعي ..
   اني اشوف دوم نظراتج فيه سلبيه للرجل .. ( و طبعا مو كل الناس مثل بعض ) ..
   بس المقصد من هذا كله .. ليش بيدفع للسياره ومب حق مهر .. عشان عوار الراس ..
   و الحين كلا يلعب دور المعاند .. و البنت تقول انت مب مشتريني و الاصبي يقول انا الريال
   //
   بس الصج صج القهر اذا اثنين يستاهلون بعض و يدمرون بعض؟
   هذيله الواحد شيسوي فيهم؟
   //
   السموحه ع الاطاله
   \\
   أخوكم
   W7