انهيار سقف مدرسة ام العمد !! نعم هالخبر صحيح !! وفي قطر !! في بلد الخير زهقنا من البوق و استغلال خيرات بلادنا!! ماعندنا شوارع عدلة ولا مواقف عدلة ولا مجاري “وانتوا بكرامة” عدلة ولا جسور ولا انفاق لازم لازم اول مايي الشتى ننصدم بكم الغش اللي منتشر في انحاء قطر من شمالها لجنوبها ومن شرقها لغربها !! لا وحاشرينا بان احنا الدولة الاولى اللي نكافح الفساد !!! على وشووو !! شوفوا البحرين شلون شوارعهم شوفوا الامارات وعمان شوفوا الكويت شوفوا الشوارع الرئيسية في السعودية !!
احنا عندنا امكانيات كبيرة بس ولا عمرها قطر بتتعمر دام هالاشكال هم اللي يبوقون آآ اقصد يعمرون !! لازم الحكومة توقف وقفة قوية ضد هالاشياء لازم يحاكمون المتسبب بهالمشاكل فالعلن لازم الكل يعرف ان احنا في دولة قانون وقانون الغاب خلاص ماعاد يمشي عندنا !! خلاص الواحد مايأمن على حياته ابراج تحترق فجأة ومحولات الكهربة تتفجر بدون سبب ولا يعلمونا بنتايج التحقيقات والدكاترة يغلطون ويذبحون اهلنا وبعد محد يحاسبهم !! لين متى !!!
12:18 م
هههههه ما اشبعوا من خيرنا ..
لا حول و لا قوة الا بالله ..
بعد ترى الجامعه ،، كانت تقطر ايام المطر ههههه << تكلمة البوق @@
الله يعين .. و الكاركتير رووعه تسلم يمناك راشد..
12:25 م
اوف @@ توني اقرى هالخبر !! الله ستر والله .. الحمدالله محد صار له شي !!
لا حول ولا قوة الا بالله ، في مبنى فالجامعه بعد يتكسر الجزاز اللي فالسقف :\
الله يستر علينا وعلى عيالنا ويكفينا الشر ..
الكاركتير فظييييع والالوان روعه (Y) الله يعطيك العافيه ياراشد
1:39 م
والله محد بيحتج دام الشغل “ماشي ” يارشود
يعني ليش يعورون راسهم
هاي الا سقف وطاح على روسنا .. عادي
مب مسأله تعور القلب
الله يهداك بس
الناس تموت من الزلازل وانتو تتحندون على سقف طاح على راسكم
كلها شاش وآيدين وماعليكم شر انشالله
3:04 م
اهم شي ان شاءالله كلهم بخير ؟
يسلمو ع الكركتير العجيب ..
واذا عن الشغل الي بيسونه بووووو تو الناس
11:22 م
لاحول ولاقوة الا بالله
الله يستــر من الايام اليايه
كل شي حولنا صار غش وبووق واحنا ساكتين !!
\\
كركتيرك اليوم عجيب ياراشد
يعطيك العافيه
7:51 م
هههههه
لا جد فله والله
عساك ع القوه