تعليقات ( 7 )

1. 

   24 فبراير 2010
   3:29 م

   temsa7 قال :

   من قصص الخدامات اللي صارت حق بيتنا يعني !! كان عندنا خدامه سيرلنكيه
   مشتغله في لبنان وتتكلم لبناني مخربط
   يعني
   عايدا = هايدا
   كيك = هيك
   اجري= رجلي
   قابيبتي= حبيبتي
   قاليبا = حليب

   يعني وايد سوالف .. وكانت فاتنه الملامح واسمهاا باميلا
   من علومها الزينه انها كانت تتبلى على رجل كل شهر بتهمة التحرش الجنسي خخخخخخخ

   يحليلها

2. 

   24 فبراير 2010
   3:40 م

   tatooma قال :

   لووووووووول
   ياهي سوااالف ومواقف عالخدم
   ضحكني الكاركتير ههههه
   المهم سالفه من السوالف والهوايل اللي صارت عندنا
   كنا مسافرين واخوي تم طبعا الشباب ما يقرون في البيت و خدامتنا الاموره خذت راحتها المهم صدناها … قبل لا تسافر فتشنا في اغراضها جان نجوف البوم صور الشيخه مصوره في كل زاويه وداعوس في البيت هههههههههه ما خلت غرفه ما صورت فيها
   XD
   الموضوع خطيير صرااحه وسوالف الخدم ما تخلص
   

3. 

   24 فبراير 2010
   4:03 م

   MeeeM قال :

   مسا الخير..

   عاد فتحت موضوع انما ايه.. لو نرمس فيه عشر سنين جدام ما بنخلص هههههههههههه

   سوالف عن الخدمات؟ وااايد والله ههههههههههه بس احيد سالفة قديمه..

   وحده هنديه كانت تشتغل عند يدتي.. وكل ما تبي تسافر كانت تسوي كيك توديه معاها.. اونه لعياليها!!! خسف الله عودها كانت تاخذ “مراري” يدتي وتحطهم بوسط الكيك واتوّكل على الله..

   واي شي ايّيوز لها بالبيت كانت تاخذه واتحطه بمخابي دراريعها واتخيّطهم..

   بس يوم الله راد زوالها, يوم سفرها كانت خالتي ابيت يدتي .. عاد خالتي استنكرت سالفة الكيك.. وجان اتبلق عينها مره وحده بالكيكه.. اثر ماخذه الخرز اللي بالمريّه ومزينه الكيكه!!!!!! طبعا انغسل اشراعها وفلوا اقشارها كله ولا ثلات ارباع حايات يدتي الضايعه عندها!!! فسفّرت ولم تعد..

   وبس سلامتك..

   <<كسرت خاطري ام يوسف ههههههههه ما يسوى عليها تقطع صبرها من امس واهي تنطر.. يوعتها هالقشرا هههههههههه
   يعطيك الف عافيه الكاركتير الحلو يا بو سعود.. =)

4. 

   24 فبراير 2010
   4:21 م

   temsa7 قال :

   تاتوما طرت علي دنيا اسعد سعيد يوم لبست لباس الست دارين في الصوة وقعدت تتسكع بالتلفون على كبر الشقه خخخخخ

   ميم
   لوووووووووووووووووول اما سالفه الكيك بصراحه
   ابداااااااااااااااااااااع ما وراه ابدااااع !!!!!!!!!

   تدس السم في العسل بنت اللذينه

5. 

   24 فبراير 2010
   6:15 م

   W7 قال :

   وااااو ابدعت و عجيبه الرسمه ..
   بس صوب الآيادي في غلط مو واضه وايد بسبه الالوان من مساك شنو ولا من معطي منو ..
   بس الدسم عجيب .. و التلوين اقل من المعتاد …
   و بخصوص القصه و الشغالات … شي مو جديد .. قبل عندنا وحده و جان تجي وحده جديده ..
   عااد القديمه تامر و تنهي ع الجديده بدون ما تسوي شي ..
   و مره وحده جاتنا الجديده تشتكي ان هذيكي تامر و تنهي عليها و تضربها لانها ماتشتغل ..
   و اهني يصير الفلم الهندي .. لان بهذلتها وولا تسوي شي و مخليه الجديده تشتغل وعليه ..
   و يسلمو ع الطرح الحلو ..
   و تحياتي \\
   W7

6. 

   24 فبراير 2010
   10:42 م

   Mariam قال :

   ههههههههههههههههههههههههههه الصراحه ضحكتني
   الله يكرهم لو احنا مب بحايتهم جان مايبناهم :p
   الله يعطيك العافيه

7. 

   25 فبراير 2010
   12:38 م

   temsa7 قال :

   وح .. علم يا أفندم .. الحين بنشوف الفرق مع السنتيك هع هع

   مريم !! والله انتو مب بحاجتهم لو تبين الصج .. يعني امي ماشالله عليها كملت يمكن اثنعشر سنه بدون خدامه وبقرار شخصي !! مع انها مريضه .. مع ان على راسها بيت اشكبره ومع ان احنا ما نقدر نساعد وايد … بس بعد اقدرت اتقوم في بيتها على اكمل وجه !! وهي مره ثانيه اذكرج حالتها الصحيه مصعبه حركتها في الاساس

   فخلو عنكم السوالف وشيلو اعماركم وفكونا وافتكو من هالوصخ