تعليقات ( 5 )

1. 

   19 مارس 2010
   4:00 م

   Mariam قال :

   فعلاً اللي يصير شي يعور القلب ان نشوف يصير جي في المسجد الاقصى واحنا بس نطالع ومب قادرين نسوي شي ، واللي ينرفز اكثر “التافهين” في البلاك بيري اللي ماخذين السالفه طنازه ويسوون برودكاست شوفوا الاقصى ينهدم وغيره ! وغير الصور اللي كل شوي واحد تافه ركب صور غبيه على بعض وحط الاقصى في الوسط قال شوفوا اليهود شلون اهدموا الاقصى !! هم مادري شمفكرين الناس ، المفروض في هالظروف يكثرون من الادعيه ويصيرون يد وحده متكاتفه ونشوف لنا حل حق المساكين اللي هناك ، ومانسمح حق اليهود لعنة الله عليهم يقربون المسجد الاقصى ! حسبي الله ونعم الوكيل عليهم ، واحنا اقل شي نقدر نسويه اقققل شي ان نحس فيهم ، وندعي ، ولو في شي اكثر انا متأكده ان وايد منا مستعدين يسوون اكثر من جي ..
   ماعلينا غير ندعي لهم ، الله ينصرهم يارب ، وحسبي الله ونعم الوكيل عاليهود
   الرسمة قمه فالأبداع من اروع الرسمات اللي شفتهم لك بسيطه وحلوه وكالعاده الالوان روعه (Y)
   ولاتحاتي جرايد او غيره احنا متابعينكم هني :p
   الله يعطيك العافيه ياراشد وعساك عالقوه

2. 

   19 مارس 2010
   4:04 م

   temsa7 قال :

   المشكله في موضوع الخطب اللي في المسيد
   اليوم مطوعنا الله يجزيه خير ما كان عنده سالفه
   بدى الخطبه بأن والله لا تسمونه بثالث القبلتين ولا الحرم الابراهيمي
   لان هالاشياء ما ثبتت من الرسول
   وعقب قلب الخطبه على محاربة البدع والالتزام بالسنه لان هاذي هي نصرة الدين

   مته بتتغير هالنظره الظيقه حق الاشيا مادري!! يعني بدال مايحث ويثقف قاعد يدخل
   الناس في بدع وما بدع .. ناس فاظيه !! وغير جيه قرى النداء اللي هو تعميم من الاوقاف على المساجد
   وقال .. بيدي كتاب من وزارة الاوقاف يدعوكم للتبرع للهلال الاحمر القطري لنصره فلسطين والقدس
   =ــــــ= حده من ورى خاطر

   التغيير بيبتدي لما الناس تستوعب القضيه وتخلي.. عقليه ) والله هذول فلسطن يستاهلون اللي جااهم(!!!!!!!! الله يكسر اللي يقول هالشكل زييين
   قاصرين رعونه وليونه وقلة ادب احنا!

3. 

   19 مارس 2010
   4:46 م

   mayoom قال :

   والله شي يثلـج الصـدر ان اشوف مسـاحة مخصصة لموضوع القدس والاقصـى في موقعكـم هالشـي فرحنـي وايـد .. وما اقدر ازيد وايـد على كلامكم .. للاسـف مجتمعنا ماخـذ موضوع القدس وفلسطيـن على انه شي يخص الفلسطينيين بس !!
   واللي يقهـر لما وحـده تقول: ((والله هم ما يقاطعـون ستاربكس // هم مب مهتمين في قضيتهم .. احنا بنهتم؟!))
   انزين هي اصلا مش قضيتهم بس .. هي قضيتي انا كــ مسلمـة !! للأسـف كل يـوم يزيـد سـوء الوضـع في مجتمعنـا .. صح هم جزاهم اللي خير مش مقصرين من ناحيـة التبرعات .. بس وييين القدس بتحرر واحنا بناتنا حتى الحجاب مش ملتزمين فيه ؟! حتي قضايا العالم مش عارفين عنها ؟! متقوقعين على نفسنـا واهتماماتنا الأزيـاء/الأفلام/الممثلين والنجوم .. فقط لا غيـر ..! طبعـا غير سالفه البرودكاست “السخيف” اللي شفته اليوم عن المسجد الأقصى ..!! احنا نحتاج نثقف نفسنا أكثر !! يعني يوم حد يسألنا شنو هو المسجد الأقصى .. كلنا نقول اللي قبته ذهبيه أو لجامع القبلي .. والصحيح ان المسجد الاقصى هي المساحه كلها .. وهي تضم قبه الصخره والجامع القبلي والجامع المرواني وكل المساحات الفاضيه بينهم .. نحتاج توعيه وتثقيف اكثر .. صج شي يعور القلب!! ما نقول غير حسبي الله ونعم الوكيـل ..

   جزاكم الله خير مره ثانيه واسفه عالاطاله ..

4. 

   20 مارس 2010
   4:19 م

   تونا جاوية بالنكهة اليابانية قال :

   آآآآآآآآآآآآآآآآآه يا أقصى !!!!

5. 

   21 مارس 2010
   5:07 م

   H قال :

   mayoom قال : – والصحيح ان المسجد الاقصى هي المساحه كلها .. وهي تضم قبه الصخره والجامع القبلي والجامع المرواني وكل المساحات الفاضيه بينهم – .. < والله توني ادري !!!!!!! اللي قريته وسمعته من ابله الاجتماعيات انهـ المسجد الصغير المهدم ؟