تعليقات ( 16 )

1. 

   17 يوليو 2010
   9:19 م

   k قال :

   رحم الله ايام زمان
   صج بنات هالوقت فيهم الزين وفيهم الشين بس للاسف الشين غطى
   والله المستعان

2. 

   17 يوليو 2010
   9:30 م

   Najla قال :

   ههههههههههههههه
   فضيع الكومك صراحه
   نبي هالعيووز تمر في مجمعاتنا و توسع مدارك السنع في البنات ههههه x(

3. 

   18 يوليو 2010
   3:14 ص

   sulitilord قال :

   حليلة يدو عشبة=)
   حريم امثالة الحين عملة نادرة للاسف….
   متى نقدر نشوف النسخة الغير معدلة انشاللة؟
   اللة يعطيك العافية;)

4. 

   18 يوليو 2010
   7:58 ص

   راشد الكواري قال :

   هههههههههههههههههههههههههههههههههههههايييي

   لا لا خلك على الكومكسسس مسيوو تمسااح وخلك من صفحات الجريدة الغراء ومتطلباتهم الماصخة
   بس عجبتني سالفة 3 خدامات وحدة للجوال والثانية للشنطة والثالثة للأكياس , بس اذا عندها جوالين فودافون وكيوتل شتسوي ؟
   سليطي نصيحة لاتشوف الاصلية هذيج مراقبة وشالين الف تعبير منها لين ما خربوا القصة الاصلية مالت الكومك

5. 

   18 يوليو 2010
   8:44 ص

   temsa7 قال :

   مب بس شالين الف تعبير منها
   اخر مشهد انا زايده من عندي لان كومكاتهم الهادفه لازم تنتهي بنصيحة
   فلسان حالي هو لسان حال هالعيوز اللي تسطر من قلبها خخخخ

6. 

   18 يوليو 2010
   10:41 ص

   sulitilord قال :

   واللة حسرة =_=

   شلون يشجعونك مع فرض للرقابة؟
   اذا كانت لوليتا, اعظم رواية من ادب الغربي ماتحتوي على نصيحة, شخلو لنا؟

7. 

   18 يوليو 2010
   11:39 ص

   راشد الكواري قال :

   ربعنا يحبون اسلوب المغبر واللي مايتغير من ايام يدودنا ولين اللحين ويحطون لك فالاخير من نصائح جدتي

8. 

   18 يوليو 2010
   11:44 ص

   sulitilord قال :

   انت معاك حق اخوي.
   بس انا اشوف بعد ان الفنان لازم ينعطى الحرية غشان يوصل رسالتة باكثر من طريقة.
   و اسلوب يدودننا ماعلية كلام:)

9. 

   18 يوليو 2010
   3:29 م

   W7 قال :

   الله يعطيك العافيه .. تمساح .. متالق باسلوبك كالعاده XD

10. 

    18 يوليو 2010
    4:35 م

    temsa7 قال :

    اللي يحر في مجلة مرايا ومركز شباب الدوحة ككل من خلال تجربتي السريعه معاهم.. ان الشي الهادف لازم يكون مثل برامج سلامتك .. لازم يكون واضح وجك بك في الويه .. غلط واكبر غلط انك تغث الناس عشان تشبع رغبه في نفسك ( انك تحس ان انت فله وتسوي الشي الصح وتنصح غيرك) عشان جذيه بتم هالافكار منعزله طول عمرها..

    مادري شلون بعض الناس تتجرأ انها تحط نفسها في مقام رفيع وتتم تأشر على الاشياء هاي صح وهاي غلط بحجه انهم (يقدمون شي هادف) وللأسف احنا طحنا في هالفخ لان الجريدة كانت تتطلبه منا بصريح العبارة .. واحنا ياغافلين لكم الله نبي ننشر شغلنا ونوصل حق جمهور اكبر … بس لين مته هالتصنع!!

    فانشالله انا واحد بحترم نفسي ومب مسوي شي مفبرك او مصطنع وبسوي شي طالع من القلب واتمتع وانا اسويه عشان يوصل للكل .. وان نجح او ما نجح بتم فخور في بنات افكاري وانتهى

    وهذا هو الخط الجديد

    مرايا اقول لهم الله يوفقهم .. معي او بدوني بوصلون حق المستوى اللي يبونه .. بس انا ما اشوف عمري غير فاشل معاهم لان انا وياهم متناقضين لين ابعد الحدود
    ولو تشوف النصوص اللي يعطوني اياها عشان اسويها قصص .. بتنصدم ببعدها عن الكومكات .. وفي هالكومك بالذاااااااات العيوز والبنت والسوالف والسيناريو انا اللي مألفه
    انا اللي وصلني نص اسمه مقارنه بين حريم “اللول” وحريم “ألحين” ومسوين حريم “اللول” ملايكه الرحمة اللي ربي نزلها من فسيح جناته، وحريم الحين حدث ولا حرج

    يقولون لك حريم الاول تيربو يقرون ويخيطون ومثقفات وعالمات ذرة وكل شي زين عندهم وسنعات والدنيا عندهم نظيفه وكل شي بيرفكت
    وحريم الحين جلاب ويحطون الف خدامه ووصخات وما يقرون وكله يتمكيجون ويشيشون ومادري وشو يعني مبالغات ماصخه مالها داعي انها تنكتب

    لا حريم قبل يعرفون يقرون ويكتبون مثلا .. ولا حريم الحين وصخات .. على الاقل اللي عندها جيش خدامات بتكون حياتها نظيفه ومرتبه!!

    (…) فيهم مب راسم لهم مرة ثانية

11. 

    18 يوليو 2010
    4:39 م

    tatooma قال :

    حبيييت نظرة العيووز البرييئه
    آآآيه على ايامهم جان زين انا من جيلهم
    نااايس كووومييك اخوي تمساح
    يعطيك العافيه
    ^,^

12. 

    20 يوليو 2010
    12:59 ص

    W7 قال :

    كلا له وجه نظر يا تمساح .. من مفهوم كلامك .. حتى الحجي يمشي عليك ..
    مو كل الناس نفس الشي .. و الناس ا

13. 

    20 يوليو 2010
    1:00 ص

    W7 قال :

    كلا له وجه نظر يا تمساح .. من مفهوم كلامك .. حتى الحجي يمشي عليك ..
    مو كل الناس نفس الشي .. و الناس اذواق وما نقدر نمشيهم كلهم ع ذوقك انت بعد ..
    عشان جي ربي خلقنا اجناس ..
    و الله يعطيك العافية حبيبي ..

14. 

    20 يوليو 2010
    8:45 ص

    temsa7 قال :

    انا اتكلم عن نفسي بس ما عممت
    كل واحد حر

15. 

    26 أغسطس 2010
    5:56 ص

    عبدالرحمن قال :

    الله يعطيك العافيه والله خوش قصه خاصه النهايه تموت ضحك ههه

    والله الصراحه وبدون زعل الله يعين الي يشغلكم فاضحين الجهات في مواقعكم
    مره جريده الوطن مادري الرايه والحين مجله مرايا ..

    لكل جهة عمل قوانين وخطوط يتبعونها بعد شتسوون الحمدلله على كل حال وانت
    انسان موهوب ماشالله بس ماله داعي نشر السلبيات في الموقع والله مثل مالك وجهه
    نظر اهم لهم وجهة نظر ومافي مكان مافيه اختلافات ..
    تخيل باجر حد ينتقدك في موقع والدنيا كلها تقرا وتعلق عنك لا مب شي والله وانا اخوك الستر زين وتقذر تتحلطم بدون ذكر اسم المجله
    الله يوفقكم كلكم والسموحه : )

16. 

    26 أغسطس 2010
    3:59 م

    temsa7 قال :

    اخوي عبدالرحمن

    الموقع يمثل وجهة نظري الشخصيه .. يعني انا اقدر اتكلم عن نفسي فيه بدون اي قيد او شرط!!
    رايي في المجلة بيبقى رايي.. وانا ما جرحت او قلت كلام بذيئ، انا انتقدت بكل حرفية ومهنية ووضوح
    ما عيبت على فلان وعلتان ولا قلت عن اي شخص اي صفة منبوذة .. الا بيني وبين ربعي طبعا!!
    بس سياسة مجلة معينه في خطوط الشغل بدون صفة شخصية .. موضوع قابل للانتقاد المبرح جدا
    لان لو سكت وهم سكتوا مافي اي شي بيتغير ومافي اي وجهة نظر بتوصل حق الطرف الثاني
    اللي هو اولريدي متزمت براية

    بالنسبة حق الجزء الثاني من الكومنت .. انا ماعندي مانع .. انا ماشي سيده وما اسوي اي شي
    الا وانا متحمل كامل مسؤوليته .. اللي يبي ينتقدني خل يكثر .. انا ما اتجرح جدام حد
    ولا انحرج من حد ولا استحي من شغلي.. شغلي يطلع حق كل الناس مافيه اي نوع من انواع
    الخصوصية .. بالعكس المهنية والحرفية توجب ان جميع وجهات النظر توصلني بصدق

    وشكرا المرور … ولولا اني كسرت سياسات المجلة… ما كنت شفت الجزء الاخير اللي اعجبك
    اكثر شي في القصة .. شكرا على التواصل