بس
الحلو في الموضوع اني المفروض اني ما اعور راسي مع حد واتم ارسم رسم يعجب الناس اللي تحب تتابع شغلي وبس

اممم وانا معااك فالي قلته بس أحس بعد حلوو ان يكوون نهاية القصه نفس نصيحة أو هدف … بس طبعا مب ان يطلعوون حرييم قبل ملائكه وحريم الحيين العيوب كلها فيهم !
هوو صج حريم قبل احسسن ومحد يختلف فهاي الشي .. بس هاي جييلنا الحالي وغصبا عنا بنتأقلم فيه .. يعني النصييحة مب شرط تكوون ضد حريم الحيين و مع حرييم قبل .. يعني ممكن يكون الهدف متساوي على اساس محد يعلق على القصه بطريقة مب حلوة .. ومثل ما قال دبليوو “الناس اذواق وما نقدر نمشيهم كلهم..” =)

الموقع يمثل وجهة نظري الشخصيه .. يعني انا اقدر اتكلم عن نفسي فيه بدون اي قيد او شرط!!
رايي في المجلة بيبقى رايي.. وانا ما جرحت او قلت كلام بذيئ، انا انتقدت بكل حرفية ومهنية ووضوح
ما عيبت على فلان وعلتان ولا قلت عن اي شخص اي صفة منبوذة .. الا بيني وبين ربعي طبعا!!
بس سياسة مجلة معينه في خطوط الشغل بدون صفة شخصية .. موضوع قابل للانتقاد المبرح جدا
لان لو سكت وهم سكتوا مافي اي شي بيتغير ومافي اي وجهة نظر بتوصل حق الطرف الثاني
اللي هو اولريدي متزمت براية

بالنسبة حق الجزء الثاني من الكومنت .. انا ماعندي مانع .. انا ماشي سيده وما اسوي اي شي
الا وانا متحمل كامل مسؤوليته .. اللي يبي ينتقدني خل يكثر .. انا ما اتجرح جدام حد
ولا انحرج من حد ولا استحي من شغلي.. شغلي يطلع حق كل الناس مافيه اي نوع من انواع
الخصوصية .. بالعكس المهنية والحرفية توجب ان جميع وجهات النظر توصلني بصدق

وشكرا المرور … ولولا اني كسرت سياسات المجلة… ما كنت شفت الجزء الاخير اللي اعجبك
اكثر شي في القصة .. شكرا على التواصل

والله الصراحه وبدون زعل الله يعين الي يشغلكم فاضحين الجهات في مواقعكم
مره جريده الوطن مادري الرايه والحين مجله مرايا ..

لكل جهة عمل قوانين وخطوط يتبعونها بعد شتسوون الحمدلله على كل حال وانت
انسان موهوب ماشالله بس ماله داعي نشر السلبيات في الموقع والله مثل مالك وجهه
نظر اهم لهم وجهة نظر ومافي مكان مافيه اختلافات ..
تخيل باجر حد ينتقدك في موقع والدنيا كلها تقرا وتعلق عنك لا مب شي والله وانا اخوك الستر زين وتقذر تتحلطم بدون ذكر اسم المجله
الله يوفقكم كلكم والسموحه : )

مادري شلون بعض الناس تتجرأ انها تحط نفسها في مقام رفيع وتتم تأشر على الاشياء هاي صح وهاي غلط بحجه انهم (يقدمون شي هادف) وللأسف احنا طحنا في هالفخ لان الجريدة كانت تتطلبه منا بصريح العبارة .. واحنا ياغافلين لكم الله نبي ننشر شغلنا ونوصل حق جمهور اكبر … بس لين مته هالتصنع!!

فانشالله انا واحد بحترم نفسي ومب مسوي شي مفبرك او مصطنع وبسوي شي طالع من القلب واتمتع وانا اسويه عشان يوصل للكل .. وان نجح او ما نجح بتم فخور في بنات افكاري وانتهى

وهذا هو الخط الجديد

مرايا اقول لهم الله يوفقهم .. معي او بدوني بوصلون حق المستوى اللي يبونه .. بس انا ما اشوف عمري غير فاشل معاهم لان انا وياهم متناقضين لين ابعد الحدود
ولو تشوف النصوص اللي يعطوني اياها عشان اسويها قصص .. بتنصدم ببعدها عن الكومكات .. وفي هالكومك بالذاااااااات العيوز والبنت والسوالف والسيناريو انا اللي مألفه
انا اللي وصلني نص اسمه مقارنه بين حريم “اللول” وحريم “ألحين” ومسوين حريم “اللول” ملايكه الرحمة اللي ربي نزلها من فسيح جناته، وحريم الحين حدث ولا حرج

يقولون لك حريم الاول تيربو يقرون ويخيطون ومثقفات وعالمات ذرة وكل شي زين عندهم وسنعات والدنيا عندهم نظيفه وكل شي بيرفكت
وحريم الحين جلاب ويحطون الف خدامه ووصخات وما يقرون وكله يتمكيجون ويشيشون ومادري وشو يعني مبالغات ماصخه مالها داعي انها تنكتب

لا حريم قبل يعرفون يقرون ويكتبون مثلا .. ولا حريم الحين وصخات .. على الاقل اللي عندها جيش خدامات بتكون حياتها نظيفه ومرتبه!!

(…) فيهم مب راسم لهم مرة ثانية